صحة

حاتم فهمي: انضحك عليا من بنات كتير.. وده سبب غيابي عن الساحة الفنية

قال المطرب حاتم فهمي، أنه تزوج متأخرًا، وسبب ذلك هو طبيعته الخجولة والعاطفية، والتي جعلت فتيات كثيرات يخدعونه.

وأوضح “فهمي” خلال لقاءه على قناة النهار مساء الخميس: “اتعرضت لمواقف سيئة كتير والبنات كانت بتضحك عليا، وزوجتي دلوقتي هي بلوجر محجبة ومشهورة، وهي اللي بتدعمني في الرجوع للغناء، وتزوجتها عام 2011”.

حاتم فهمي: هذا سبب غيابي بعد نجاح “مش من حقك”

وعن سبب عدم استغلاله نجاح أولى أغانيه “مش من حقك” قال: “حاجات كتير أنا كنت صغير وماكانش عندي خبرة، وكنت بحب أسمع حاجات برة كتير، ولما شرحت ده للموزع عرف يعمل ده معايا، ولما طلعت للناس كانت دي بالنسبالي صدمة لأني خجول شوية”.

وتابع: “شركة الإنتاج رغم أنها فادتني، بس كان عندها ثغرات في حاجات تانية في أنهم يشتغلوا على المطرب في اللايف، كان في سوء إدارة وماعرفوش يحطوني في حتة إني أكون موجود لايف وبأسعار كويسة، والموضوع محتاج حد شاطر في جزئية اللايف، مع قلة خبرتي، ده خلاني ماعرفش أكون متواجد”.