ياسمين عز تعادي النساء المصريات بتصريحات استفزازية (فيديو)

أصبحت المذيعة ياسمين عز، مثار جدل خلال الأيام الأخيرة، بسبب تصريحاتها التي عادت بها السيدات ودافعت من خلالها عن الرجال، والتي وصفها الكثير بأنها استفزازية، وهدفها هو البحث عن التريند.

كان أخر تلك التصريحات، هو حديثها عن سبب خيانة الزوج لزوجته، حيث قالت: “أعرف ستات لما أجوازهم بينزلوا الشغل كأن لسان حالها بيقول يلا في 60 سلامة والمركب اللي تودي، طبيعي بعد كدة لما يروح الشغل ويلاقي واحدة تبتسمله مش بعيد يُعجب بيها وترجعي تقولي الرجالة عينها زايغة ليه”.

وتابعت: “ماهو شايف بوز قد كدة في البيت نهار ليل قدامه، وأول ما يرجع، بدل ما تقوله عملت إيه النهاردة في الشغل وتطبطب عليه وتقوله وحشتني، تلاقيها قامطة دماغها وفاتحة سرينة الشكاوى، الشكاءة البكاءة وتقوله ماحدش يكلمني النهاردة”.

ياسمين عز: فيها إيه لما الزوج يدوس على سجادة الصالون بجزمته

من التصريحات الأخرى للمذيعة ياسمين عز والتي أثارت ضدها موجة من الغضب، دهشتها من غضب السيدات من دخول أزواجهن بالأحذية على السجاد، حيث قالت: “الست تقول إوعى تدخل تدوس على السجادة اقلع الجزمة برة، سجاد إيه ماهو جايبها بفلوسه”.

وتابعت: “نصيحة أوعي تزعقي أو تعلي صوتك، لأنه هيشوفك راجل زيك زيه، خليكي دايمًا صوتك واطي وطبعك هادي وبشوشة حتى لو هتمثلي”.