بعد إلغاء حفله بالإسكندرية.. فريدة سيف النصر تدافع عن محمد رمضان: كدة أوفر

أعربت الفنانة فريدة سيف النصر، عن استيائها من قرار إلغاء حفل الفنان محمد رمضان بمدينة الإسكندرية، والذي كان من المقرر إقامته يوم 7 أكتوبر الجاري.

وكتبت “فريدة” من خلال حسابها الرسمي على موقع التواصل الاجتماعي “فيس بوك”، منشورًا جاء فيه: “هو في إيه.. محمد رمضان، كده أوفر أوي، اللي بنسمعه ده أغرب من الخيال طول عمرنا بنعمل مسرح في ماريا عروسة البحر الأبيض”.

وتابعت: “طول عمرنا عارفينها فاتحة أحضانها للفن، وهي منبعة أكرم ناس ذواقة لكل الألوان من مستوى السيد درويش لحد بدارة، وحمو بيكا وأكتر ن كده هو وزمايله، أشمعنى بقى.. لا إله إلا الله، على فكرة اللي اتخرب بيته اللي عامل الحفلة، وعارفينهم حقيقي باعوا التذاكر كلها، طيب الناس اللي بتحبه يولعوا يعني علشان العند والتصاريح.. على فكره معجبينه كلهم شباب، وغالبية عظمى ملهمش في عند وحقد العواجيز ومحاولات الهدد، لكن لو سعادتك ارتحت يهمنا راحتك يا رب بردًا وسلامًا، يا ساتر يا رب”.

فريدة سيف النصر: الإسكندرية مش ملك أي مسؤول

واستطردت: “المسؤول عن التصريح ناقص يدخل اللي مش على مزاجه بفيزا، واللي مش قادرين يفهموه، الفنان لو له عمر بيستمر أكتر من أي مركز وكرسي زائل، هو إيه الغلب ده هو تار، ولا إيه”.

وأضافت: “طيب نفهم علشان مندافعش فهمونا يا ريسنا الإسكندرية مش بتاعت أي مسؤول، دي بتاعتنا كلنا معظمنا أهالينا هناك عند العروسة، وكرم الدنيا، والجدعنة الإسكندراني مبيكرهش حد وبيحب كل الألوان ما بيكا أهو مثلا تاني أهو”.