صحة

قفل السكة في وشه.. صاحب “أنتش وأجري” يحرج إدوارد على الهواء

تعرض الفنان إدوارد، لموقف محرج، خلال حلقة اليوم من برنامج “القاهرة اليوم”، والذي يقدمه مع المذيعة نانسي مجدي.

فخلال الحلقة، أجرى البرنامج مداخلة هاتفية مع هيثم أحمد صاحب تريند “أنتش وأجري”، للحديث معه عن الشهرة التي حققها من خلال الفيديو الخاص به.

وقال صاحب التريند الشهير: “أنا أول إحساس عندي عاجبني إن أنا قدرت أسعد المصريين ولو بحركة ولو بكلمة، أي نعم لفظ هزار وشغل تيك توك، بس الحمد لله قدرت أسعد كل المصريين، واللي يهمني في العرب أكتر مصر بلدنا اللي بنتفخر بها”.

لتقاطعه المذيعة قائلة: “انت بتقول انك بتعمل كدة عشان تسعد المصريين، هو اللي بيبقى قلبه على بلده زي ما انت بتتكلم دلوقتي، هو انت تسعد المصريين بأي حاجة حتى لو بأي حاجة غلط، يعني إيه أي نعم حركات وشغل تيك توك، هي حاجة هينة ولا سهلة؟ ماهو ده اللي جايبنا لورا”.

ليرد عليها هيثم أحمد قائلًا: “شكرًا يا فندم”، ثم قام بإغلاق الخط، وهو ما آثار دهشة إدوارد.

إدوارد: هنلاقي بكرة فيلم أنتش وأجري

واستكملت المذيعة تعليقها قائلة: “بنسعد المصريين بإيه بتفاهة؟ بيعمل حركات بمناخيره ووشه، هو ده إسعاد المصريين؟ لا انت مقلل أوي من شأن المصريين مش ده اللي بيسعدنا، اللي يسعدنا أننا نشوف واحد زي زويل وعظماء بيحققوا إنجازات في الطب، اللي بيروحوا الفضاء، الإنجازات الحقيقية”.

وعلق إدوارد قائلًا: “عندنا فيديو بتاع الولد النقاش كان بيغني وهو بيشتغل، وتبناه ملحنين كبار زي رامي جمال، لكن إيه ده؟ إيه اللي إحنا شايفينه ده؟ بكرة هنلاقي فيلم “انتش وأجري” مثلا؟”.

YouTube video