صحة

أحلى من بعض.. منى فاروق مع والدتها في أحدث ظهور

حرصت الفنانة منى فاروق، على مشاركة متابعيها على مواقع التواصل الاجتماعي، أحدث ظهور لها برفقة والدتها والتي نادرًا ما تظهر معها.

حيث نشرت “منى” من خلال حسابها الرسمي على موقع تبادل الصور والفيديوهات “إنستجرام”، مقطع فيديو، ظهرت فيه بلقطات مجمعة برفقة والدتها، وأرفقت مع الفيديو التعليق التالي: “مليكتي بحبك كتير كتير 🤍انتي الدنيا كلها كل سنه وانت طيبه🎂🤍 وكل سنه وانتي معايا ربنا يديكي الصحة و طول العمر ويخليكي فوق راسنا“.

منى فاروق ترد على انتقادات المتابعين

يُذكر أن الفنانة منى فاروق، كانت قد تعرضت لهجوم حاد من قِبل مستخدمو مواقع التواصل الاجتماعي، بعد ظهورها مرتدية فستان، رأى الكثير أنه جرئ.

وردت “منى” على تلك الانتقادات بمنشور قالت فيه: “ما كل البنات بتلبس فساتين صيفي عادي .. يعني أنا حرة ليه نازلين فيا جلد.. ده ربنا بيسامح وبيغفر لعباده الذنوب، انتو إيه ملايكة يعني، عموما أنا أحسن منكم أنا ربنا أنعم عليا بستر جديد، خدوا بالكم رصيد ستركم هيخلص من كتر الأذى والشر اللي بتعملوه فيا وربنا عقابه شديد، انتوا مزعجين جدا .. بس أنا ولا فارق معايا كلامكم أنا يعامل ربنا مش بعامل البشر .. بجد حسبي الله ونعم الوكيل في كل الناس اللي بتكتب عني بالكذب”.

وتابعت: “هو أنا ليه شاغلاهم أوي كدة إيه القرف ده، مايروحوا يشوفولهم شغلانة بدل ما يقعدوا يتكلموا في عرضي وشرفي، عيب بقى كفاية قرف، أنا في الأول وفي الآخر بنت بتتكلموا في عرضي ليه”.

واختتمت: “خافوا ربنا شوية انتو إيه خسارة أقول عليكم بني أدمين والله انتو عديتو الشر، حسبي الله ونعم الوكيل في كل شرير وحاقد وحاسد وشخص بدون شرف بيكتب في عرضي وشرفي وحقي بالباطل، الله لا يسامحكم، خافوا ربنا”.