بكلام جريء.. هبة قطب تكشف الحل السحري لعزوف الشباب عن الزواج

قالت الدكتورة هبة قطب استشاري الصحة الجنسية والعلاقات الزوجية، أن العزوف عن الزواج، أصبحت من أهم المشكلات التي تواجه الكثير من الآباء والأمهات.

حيث قالت “هبة” خلال بث مباشر عبر حسابها الرسمي بموقع التواصل الاجتماعي “فيس بوك”، :ناس كتير أوي بتشتكي دلوقتي أن ولادها الشباب بالذات مش عايزين يتجوزوا ومش لاقيين البنت المناسبة، والبنات برضه نفس الحكاية”.

وتابعت: “عايزة أديلكم الحل بتاع اللغز ده، أو بتاع الأزمة دي اللي في بيوت كتير أوي، هو في كلمة لو بطلوها الشباب والبنات الموضوع هيبقى ألطف بكتير وهيتجوزوا أسرع، وهي كلمة (أنا عايزها تعمل كذا)، أو (أنا عايزاه يعمل كذا).

هبة قطب: الشباب والبنات عايزين يعيشوا مع حد مش عشان حد

وأضافت هبة قطب: “لما اتكلمت مع شباب وبنات، هما بيقولولي إحنا عايزين نعيش مع حد مش نعيش عشان حد، والشباب يقولوا أنا عاوز واحدة تشاركني حياتي، مش واحدة تمشيني وتقولي انت تعمل كذا وكذا وتتغير في كذا وكذا”.

وأردفت: “طيب ليه مانبقاش قابلين بعض زي ما إحنا، فهي طريقتها كدة وهو يعوزها زي ما هي أو لا، لو هي بتشتغل لا عايزة تقعد في البيت، هو مثلا مابيخرجش في الحتت الفلانية تقوله لا لازم تخرج في الحتت الفلانية”.