تعليق ناري من ليلى طاهر بعد شائعة بتر ساقها (فيديو)
قالت الفنانة ليلى طاهر، أنها انزعجت من كثرة الشائعات التي أُطلقت عليها خلال الفترة الأخيرة، وآخرها شائعة بتر ساقها.
وأوضحت ليلى طاهر خلال مداخلة هاتفية مع برنامج يحدث في مصر” المذاع عبر قناة MBC مصر: “أنا زي الفل وكويسة جدًا، أنا مشكلتي السوشال ميديا، مش عارفة بينهم وبين فنانين مصر إيه، إيه الحقد والغل اللي في قلبهم ده، يعني عاوزين يخلصوا من فنانين مصر كلهم ومش قادرين فابيخلصوا منهم بالإشاعات والكلام الفارغ اللي بيكتبوه”.
وتابعت: “ويعيدوا في الكلام بس يضيفوا عليه حتة زيادة، نزلوا صورة احتفالية تكريمي من النقابة وأنا كنت بالعصاية، وقالوا عني ما لذ وطاب من الأخبار وقالوا إن صحتي متدهورة، يعني عرضوا الصورة اللي أنا ماسكة فيها العصاية وماعرضوش بقية الاحتفالية وأنا ماشية على المسرح وبستلم الجايزة وبحيي الجمهور”.
ليلى طاهر لمطلقي الشائعات: مستعجلين علينا ليه!
واستطردت: “لما زادت الأخبار دي اتضايقت، ومش زعلانة على نفسي لوحدي أنا زعلانة على جميع الفنانين المصريين، وعلى رأي عادل إمام لما قالهم انتم مستعجلين علينا ليه، لازم يكون في موقف في الحالة دي”.
يُذكر أن الفنانة ليلى طاهر كانت قد أجرت عملية جراحية لتركيب مفصل صناعي في القدم منذ عدة أشهر، ثم استكملت علاجها الطبيعي في المنزل.
