والدة شيرين عبد الوهاب: طردتني وبتسهر هي وحسام حبيب يشربوا مخدرات

قالت كريمة أبو زيد والدة الفنانة شيرين عبد الوهاب، أن ابنتها طردتها من منزلها، لاعتراضها على وجود حسام حبيب في حياتها مرة أخرى.

وأوضحت “كريمة” خلال مداخلة هاتفية لها في برنامج “الحكاية” المُذاع على قناة MBC مصر: “علاقتي بشيرين كانت كويسة جدًا، بس، ولكن حسام حبيب أمرها تطردني، مش عايز أي حد جنبها عشان يستفرد بيها، وأنا اللي اترجيت ابني يدخلها المستشفى عشان ماحدش بقى قادر عليها أو عليه”.

وتابعت: “قولت لحسام حبيب إيه اللي جايبك هنا؟ قالي أنا هتجوزها، قولتله ده لما تشوف حلمة ودنك، عشان دمرها قبل كدة كتير، حرام عليكم بجد أنا بطلب من ربنا انكم تحموها من الواد ده عشان ده شر، وما صدقنا شيرين بقت كويسة وهو رجع تاني قلب حالها”.

والدة شيرين عبد الوهاب: قالتلنا أنا عارفة أنا بعمل إيه

وعن إجبار شيرين على دخول المستشفى قالت والدتها: “لا مش إجبار، دي بتفضل تشرب طول الليل هي وهو، وبعدين ده قاعد معاها بصفة إيه مش عيب، أنا بستنجد بيكم عشان تنقذوها منه ومن سارة الطباخ”.

وعن رد فعل شيرين بعد إخبارها بضرورة نقلها للمستشفى قالت: “قالتلنا أنا عارفة أنا بعمل إيه، هي مش دريانة، ده أنا بقولها ولادك تقولي مع السلامة برة هما كمان، في حد يقول على ولاده كدة؟”.